Kryetari i Partisë Demokratike, Lulzim Basha ka hedhur poshtë zërat se ai ka futur kandidatë të tjerë në garë që të promovohen në poste të ndryshme në parti. Sipas asaj që shkruan BalkanWeb, gjatë një takimi që Basha ka zhvilluar në Pogradec, një anëtar e ka pyetur për më shumë detaje lidhur me garën brenda partisë.
“Kryetar, ka zëra se disa nga kandidatët po marrin pjesë në garë vetëm që të fitojnë pozicione në parti. Është e vërtetë kjo?” – ka pyetur njëri nga anëtarët që ka marrë si përgjigje refuzimin e prerë të Bashës.
“Duke qenë se ka zëra që qarkullojnë se ka kandidatë në garë që u është kërkuar kandidimi nga unë, në mënyrë që të promovoheshin në poste të ndryshme në parti, kjo është absolutisht e pavërtetë.
Në këtë garë, të gjithë janë të barabartë dhe do të jetë vota e anëtarësisë që do të vendosë, siç ndodh për pozitat e tjera drejtuese në parti.
Këto thashetheme, pavarësisht nga kush janë përhapur, thjesht kanë për qëllim të krijojnë konfuzion ose ndonjë avantazh të pandershëm në këtë garë” – ka thënë Basha. ©LAPSI.al
