Partia Demokratike ankimon në Kolegj zgjedhjet në Gjirokastër. Njoftimi u dha nga juristi i demokratëve në KQZ, Marash Logu.
“Dorëzuam sot në Kolegjin Zgjedhor padinë kundër vendimit të KAS për Gjirokastrën, duke kërkuar pavlefshmërinë dhe përsëritjen e zgjedhjeve. Detyra jonë para shqiptarëve është të vazhdojmë betejën në çdo front, me çdo mjet dhe mundësi për zbardhjen e masakrës zgjedhore Rama-Doshi” – thuhet në njoftimin e juristit.
Zgjedhjet e qarkut të Gjiroksatrës u ankimuan në Kolegj edhe nga LSI që pretendon se në këtë qark i është marrë padrejtësisht një mandat deputeti. ©LAPSI.al
