Sapo nisi fjala e presidentit Ilir Meta në ceremoninë e stërvitjes Defender 21, ERTV ka hequr fishën dhe ka ndërprerë transmetimin live të aktivitetit. Vija editoriale e televizionit që ka pronar kryeministrin Edi Rama, nuk e pranon në ekranin e saj presidentin Meta. Hapësira televizive e ERTV është tkurrur pas përplasjeve të forta me kreun e shtetit, për të cilin kryeministri Rama ka ngritur edhe një komision hetimor parlamentar për shkarkimin nga detyra.
Përtej situatës qesharake, veprimi i ERTV është edhe një sinjal për televizionet që ndjekin vijën qeveritare dhe që nuk duhet ta teprojnë me hapësirën për kreun e shtetit.
