Prej orës 18:00 në selinë e Partisë Demokratike është mbledhur kryesia e saj. ky forum do të shqyrtojë dhe më pas do të miratojë kandidaturat e shpallura për kryetar partie dhe rregullat e propozuara nga Komisioni Zgjedhor për zgjedhjet e 13 qershorit.
Ndryshe nga herët e tjera mbledhja po zhvillohet pa praninë e kryetarit aktual të PD, Lulzim Basha i cili gjithashtu ka shpallur rikandidimin. Kreu i demokratëve është parë të largohet nga selia blu, për të mos marrë pjesë në mbledhje për shkak të konfliktit të interesit.
Për të drejtuar mbledhjen në vendin e tij, Basha ka autorizuar dy nën/kryetarët, Edi Paloka dhe Edmond Spaho dhe Sekretarin e Përgjithshëm, Gazmend Bardhi. Në garë kanë hyrë 9 emra, mes tyre; Lulzim Basha, Agron Shehaj, Edith Harxhi, Fatbardh Kadilli dhe Ibsen Elezi.
Pritet që nesër Komisioni për Zgjedhjet i ngritur në PD të zyrtarizojë emrat. Me mbylljen e procesit të dorëzimit të kandidaturave, kandidatët do të nisin takime në 61 degët e PD për të prezantuar platformat e tyre.
Përpara mbledhjes kandidati për Kryetar i Partisë Demokratike, Fatbardh Kadilli i ka bërë thirrje Lulzim Bashës që të përballen së bashku në një debat publik. Kadilli rreshtoi 5 kërkesa bazë për kryesinë e PD-së, ku nënvzoi se duhet të organizohet tre debate televizive të hapura, për publikun dhe median. ©LAPSI.al
[caption id="" align="alignnone" width="959"]
Basha duke ikur nga PD[/caption]
