BBC ka kërkuar publikisht falje për intervistën e bujshme të Princeshë Diana-s me gazetarin Martin Bashir, i cili prej kohësh po hetohet për akuzat se e ka mashtruar princeshën me dokumente të falsifikuara për të siguruar intervistën e saj. William ka fajësuar gënjeshtrat e BBC-së ndaj nënës së tij, princeshës Diana, për nxitjen e paranojës së saj dhe përkeqësimin e marrëdhënies së prindërve të tij.
Ndërsa Harry fajësoi një kulturë mediatike toksike për vdekjen e nënës së tij. Në deklaratën e tij të veçantë, Princi Harry tha se "efekti i një kulture të shfrytëzimit dhe praktikave joetike" ishte shkaku që i mori jetën nënës së tij.
Ai shprehu shqetësimin për praktika të tilla që, siç theksoi, janë ende të përhapura edhe sot.
"Nëna jonë humbi jetën për shkak të kësaj dhe asgjë nuk ka ndryshuar. Duke mbrojtur trashëgiminë e saj, ne mbrojmë të gjithë dhe mbajmë dinjitetin me të cilin ajo e jetoi jetën e saj," tha ai.
BBC ka shkruar për t'u kërkuar falje Princave William dhe Harry, si dhe Princit të Uellsit dhe vëllait të Diana-s, Earl Spencer.
Matt Wiessler, krijuesi grafik i cili ngriti shqetësimet e para në lidhje me dokumentet e rreme të përdorura për të siguruar intervistën, dhe të cilit më vonë iu refuzua puna nga BBC, i tha programit Radio 4's Today se falja dërguar tij të enjten ishte "shumë e vonuar”.
