Ish-kryeministri, gjatë konferencës për media të dhënë ditën e sotme mohoi akuzat se gjatë qeverisjes ka influencuar me aleatët e tij, duke theksuar se pas ngjarjes së Gërdecit, Fatmir Mediut i është hequr imuniteti. Po ashtu, thekson Berisha e njëjta gjë ka ndodhur edhe me aleatin tjetër të tij, Ilir Metën.
“Pas asnjë bazë Sali Berisha është autor i heqjes së imuniteteve në këtë vend. Ish ministri Fatmir Mediu pas ndodhisë në Gërdec kemi votuar heqjen e imunitetit. Çfarë ndërhyrje qenka kjo. Çfarë ndërhyrje qenka për Ilir Metën kur ai dha vetë dorëheqjen dhe kërkoi hapjen e procesit dhe u gjykua. Cila është ndërhyrja këtu? Qeveria nuk është gjykatë, ka detyrë të heqë imunitetet dhe ndaj i jam drejtuar gjykatës,” tha Berisha.
I pyetur nëse PD duhet të ndihet në pozitë që në grupin parlamentar ka një person non grada, Berisha u shpreh: ”PD do të ndihej në vështirësi nëse ky person nuk po i adresohet me një rast të jashtëzakonshëm një gjykate neutrale për të bërë drejtësi. Ah, nëse duam të bëjmë vet prokurorin, gjykatësin, kjo nuk pranohet”.
