Policia e Durrësit arrestoi gjatë ditës së sotme, dy të rinj, të cilët merreshin me aktivitetin e shpërndarjes së lëndëve narkotike. Ata janë Vilson Memini, lindur në Elbasan dhe banues në lagjen 18 Durrës si dhe Erges Shehi, lindur në Durrës dhe banues në lagjen 13 Plazh. Policia njofton se operacioni ishte për të goditur një grup që merrej me shpërndarje kokaine.
Në informacion zyrtar thuhet se dy të arrestuarit, Vilson Memini lindur në Elbasan dhe Erges Shehi lindur në Durrës janë me precedentë të theksuar kriminal, teksa kundërshtuan edhe me dhunë policët, aq sa një efektiv u detyrua të qëllojë në ajër për t’i neutralizuar.
Memini dhe Shehi tentuan të largohen, por nuk ia dolën, ndërkohë që Policia deri tani ka sekuestruar 1 kilogram kokainë.
