Taylor Swift është bërë gruaja e parë që fiton çmimi “BRIT's Global Icon”. Asaj do t’i dorëzohet çmimi të martën gjatë ceremonisë në O2 Arena në Londër.
Swift është vlerësuar për "ndikimin e saj të madh në muzikë në të gjithë botën dhe arritjet e pabesueshme deri më tani", sipas organizatorëve të çmimeve.
Kantautorja 31-vjeçare, është nominuar gjithashtu në kategorinë ndërkombëtare artiste femra solo në “BRIT Awards” të këtij viti.
“Karriera e Taylor është e pashembullt dhe muzika e ndikimi i saj kanë bërë jehonë në të gjithë botën, në miliona njerëz. Ajo ka përdorur platformën e saj për të nxjerrë në pah shumë çështje globalisht dhe kohët e fundit është duartrokitur për punën e saj që promovon pranimin e komunitetit LGBTQ”, thuhej në një deklaratë të zyrës së Çmimeve.
Muajin e kaluar Swift shënoi albumin e saj të shtatë 'No 1' në Mbretërinë e Bashkuar me Fearless (Taylor's Version).
