Babai ‘i larguar’ i këngetares me famë botërore, Adele, është ndarë nga jeta në moshën 57-vjeçare nga një sëmundje e rëndë. Ylli i muzikës, 33-vjeçare, ka folur hapur për marrëdhënien e krisur prej vitesh me babanë, Mark Evans. Siç ajo vetë ka treguar, ai e ka braktisur mamanë e saj, kur Adele ka qenë 3 vjeç. Po megjithatë, burimet thonë se ajo është dëshpëruar nga lajmi i vdekjes së tij. Mark gjithmonë shpresonte që gjërat do të funksiononin një ditë me Adele, por ajo qëndroi e ashpër deri në fund.
"Ai ka bërë disa përpjekje për t'i rregulluar marrëdhëniet me mua, por padyshim që është shumë vonë".
Në intervista të ndryshme, Adele është shprehur gjithashtu që nuk ka urrejtje ndaj tij, pasi në fund të fundit është babai i saj.
