Një tjetër aksident ka ndodhur mbrëmjen e së premtes në Vorë në autostradën Tiranë - Durrës.
Rreth orës 21:30, një automjet me drejtuese F. H., 25 vjeçe, ka humbur kontrollin dhe është përmbysur në rrugë.
Sipas policisë ka vetëm dëme materiale dhe nuk ka probleme për drejtuesen e mjetit.
Grupi hetimor dhe shërbimet e Policisë ndodhen në vendngjarje dhe po punojnë për sqarimin e rrethanave të ngjarjes.