Javë më parë u përfol se Meriton Mjekiqi nuk do të ishte më pjesë e emisionit “Gjoni Black”, por moderatori e mohoi këtë gjë teksa ishte i ftuar në emisionin “NIN”. Meritoni tha se do të vazhdojë të drejtojë emisionin dhe me bashkëpuntorët e hershëm të programit. Por siç thotë edhe populli ku ka zë s’është pa gjë!
Ditën e sotme përmes rrjeteve sociale “Gjoni Black” dhe Meritoni kanë konfirmuar se ata nuk do të bashkëpunojnë më me njëri-tjetrin. Duket se ata kanë ndarë rrugët mes tyre në mënyrë paqësore dhe të dyja palët kanë falenderuar njëra-tjetrën për punën që kanë bërë bashkë.
“Ju urojmë të gjitha të mirat ata që ishin pjesë e jona respekte! Një respekt i veçantë shkon për ekipën edhe mundësinë e secilit që kontribuoi për realizimin e këtij emisioni”, shkuhej në njoftimin e “Gjoni Black”.
Të njëjtin postim ka shpërndarë edhe moderatori në Instagramin e tij.
“Faleminderit shumë dhe ju që ishit pjesë e këtij rrugëtimi të përbashkët… ju uroj shumë suksese. Faleminderit shumë”, shkroi Meritoni.
Emisioni u bë shkak që Meritoni të përfshihej në disa debate shumë të forta me reperë. Ndër sherret më të bujshme ishte ai me Noizy-n dhe gjithë grupin OTR. I ftuar në emisionin “NIN” disa javë më parë, Meritoni sqaroi se si nisi gjithçka me Noizy-n.
