Kur mazhoranca ka nisur procedurat për shkarkimin e Presidentit, ky i fundit ka reaguar, duke bërë thirrje që të mos merren me “shashka”, por me hetimin e krimeve zgjedhore.
Në një postim në Facebook, Presidenti thotë se procesi zgjedhor nuk ka përfunduar ende, duke apeluar që të bëhet administrimi i çdo kontestimi dhe ankese deri në rinumërimin e votës së fundit.
“Të përqëndrohemi në mbylljen e procesit zgjedhor. Asgjë nuk ka përfunduar!
Të vazhdojë administrimi i çdo kontestimi dhe ankese deri në rinumërimin e votës së fundit.
Detyrë e të gjithë subjekteve të ndjekin procesin deri në fund.
Mos u merrni me “shashka”, por me hetimin e krimeve zgjedhore”, shkruan Meta.
