Reperja Lizzo zbuloi para disa ditësh se i kishte shkruar një mesazh flirtues, aktorit Chris Evans, në gjendje të dehur. Ajo publikoi në TikTok një video, në të cilën tregonte mesazhin që i kishte dërguar gjatë pasdites në orën 5:22. Reperja i kishte dërguar vetëm 3 emoji atë të erës, një lojtari dhe një topi basketbolli, për të përcjellë idenë e pëlqimit dhe interesimit.
“Mos pini dhe mos shkruani në DM”, shkroi reperja e turpëruar përkrah videos.
Më pas një ditë më vonë, 32-vjeçarja zbuloi se kishte marrë një përgjigje në mesazh nga Chris Evans. Në një video të re të publikuar në rrjete sociale, ajo nuk mundi ta fshihte kënaqësinë për përgjigjen e tij.
“Nuk ka pse të ndihesh e turpëruar për një mesazh që dërgon kur je e dehur. Vetëm Zoti e di që unë kam qenë më keq se ty me këtë aplikacion ”, ju përgjigj aktori këngëtares. Evans i referohet një fotografie të organit të tij gjenital, që e publikoi padashje në Instagram në muajin shtator.
Ndërkohë së fundmi Lizzo ka zbuluar se biseda me Evans nuk është mbyllur me kaq. Ata të dy kanë vazhduar komunikimin bashkë dhe madje Chris Evans ka zbuluar se është një fans i Lizzo-s.
“Jam e lumtur që ti e di tashmë se unë ekzistoj”, i është përgjigjur Lizzo më pas mesazhit të aktorit.
“Sigurisht që e di. Unë jam fans i yti! Vazhdo me punën e mrekullueshme”, i ka kthyer Evans më pas dhe sigurisht aktorja nuk mund të ishte më e lumtur se kaq. Pjesën tjetër të bisedës ajo e kishte mbuluar, por fansat e saj janë shprehur të kënaqnur që ajo zbuloi diçka më tepër.
