Ambasada e Shteteve të Bashkuara të Amerikës, ka reaguar një ditë para zgjedhjeve në Shqipëri, duke theksuar se është gati të drejtohet në të gjithë vendin për të zhvilluar nesër misionin e saj të vëzhgimit të zgjedhjeve. Me anë të një postimi në rrjetet sociale, Ambasada e SHBA-së shkruan se grupet e saj të punës do monitorojnë si qendrat e votimit ashtu edhe ato të numërimit gjatë gjithë procesit.
“Ne do të monitorojmë si qendrat e votimit ashtu edhe ato të numërimit gjatë gjithë procesit. Ne do të jemi atje derisa puna të jetë e kryer.” thuhet në postimin e Ambasadës Amerikane.
Më parë edhe ambasadorja amerikane Yuri Kim ka treguar se në 25 prill do të jetë në terren së bashku me 24 ekipe të ambasadës së SHBA për të monitoruar procesin e votimit.
