Në ditën e fundit të fushatës, Edi Rama sulmoi fort opozitën me një postim në “Twitter”.
Sipas kryeministrit, opozita vret, kërcënon, inskenon kapje njerëzish pa lidhje me PS, e kur kapen me presh në duar, opozita shfaqet deri në fund ashtu si janë, për Ramën, llumi i shoqërisë dhe një mallkim që do zhbëhet të dielën.
“Vrasin, kërcënojnë, akuzojnë, inskenojnë kapje njerëzish pa lidhje me PS që të baltosin PS, e kur kapen me presh në duar duke u betuar se do vrasin apo duke blerë vota me zë e më figurë, shfaqen deri në fund ashtu si janë: Llumi i shoqërisë, mallkim i vjetër që do zhbëhet të dielën!”, shkroi Rama.
