Kujtimi i vetëm që kemi nga çifti i bujshëm Soni Malaj dhe Flori Mumajesi është super hiti i tyre “Fluturime”, i realizuar shumë vite më parë.
Ndarja e tyre erdhi krejt papritur edhe pse ishte një ndër çiftet e shumëpërfolura, veçanërisht pasi dolën hapur në publik, me puthjen e tyre në Këngën Magjike.
Ata kanë thuajse një dekadë të ndarë dhe raportet e tyre pas ndarjes mbetën korrente, mirëpo diçka i ka bërë sërish bashkë: Kënga Magjike!
Më saktë, Soni do të marrë pjesë këtë vit në festivalin e “Këngës Magjike” dhe për projektin e saj ka trokitur në studion e “Three dots”.
“Është një nga këngët më të veçanta që unë kam. Kënga mu propozua nga Threedots. Djemtë pasi përfunduan këngën thanë: “Këtë këngë vetëm Soni Malaj mund ta këndojë.”- tregoi Soni për produksionin e spektaklit.
Kënga e saj titullohet “Versioni im” dhe për vijën melodike është kujdesur Bruno.
