Me lajmin se Met Gala po kthehet zyrtarisht këtë vit, pasi u detyrua të anulonte shfaqjen në vitin 2020 për shkak të pandemisë së koronavirusit, në vëmendje rikthehet edhe një nga deklaratat më të bujshme të Anna Wintour.
Nëse nuk e dini, gjatë një interviste në The Late Show me James Corden dhe gjatë një loje "Spill Your Guts or Fill Your Guts", ku duhet të thoshte të vërtetën ose të hante një ushqim të çuditshëm, James i bëri Wintour një pyetje shumë të sikletshme.
"Kë nuk do të ftonit kurrë përsëri në Met Gala?" pyeti ai.
Anna rrezikoi që të hante një pjatë shumë të neveritshme nëse nuk i përgjigjej me vërtetësi pyetjes. Kështu që iu përgjigj, duke thënë emrin e Donald Trump.
Nëse nuk e dini, Anna Wintour kuron listën e të ftuarve për ngjarjen vjetore dhe me sa duket, ai që s’do të ketë kurrë sërish një ftesë është ish-presidenti Trump.
