Faksimilja/ Kryebashkiaku i Rilindjes që u shpërblye me para për vrasjet e 21 janarit
Histori si kjo dhe shumë të tjera të ngjashme, na dëshmojnë se ka dhe një mënyrë të tretë, më të drejtë, më të ndershme, më të sinqertë për të përkujtuar 21 janarin, sesa logjika bipartizane që nxin ose vetëm Berishën ose vetëm Ramën. Ajo është e thjeshtë. Sali Berisha u soll në mënyrë kriminale me vrasjen e katër demonstruesve, me fshirjen e pamjeve të serverit të kryeministrisë, me pengimin e hetimeve të prokurorisë, me shpikjen e alibive për thika me helm dhe çadra pistoletë, me gjykatësit palaço që zgjodhi të gjykojë çështjen, me gazetarët sharlatanë që përdori për të transformuar të vërtetën. Andi Bushati: Kush qenë gardistët e fjalës në 21 janar? 21 janari përbën një nga njollat më të errëta të karrierës së tij. Por, nga ana tjetër, tani 10 vite më pas, mund të thuhet pa frikë se Edi Rama u tall keq me viktimat, se ai e përdhosi kujtimin e tyre, se ai e përdori në mënyrë cinike gjakun e derdhur, pa çarë kokën në fund për të bërë drejtësi, madje duke rehabilituar edhe një pjesë të kriminelëve të djeshëm. Kjo është e vërteta e plotë për 21 janarin dhe e vetmja mënyrë për ta përkujtuar ndershmërisht atë. ©Lapsi.al
