Vjosa Osmani në Tiranë/ A do ta detyrojë Ramën t’i përmendë Vuçiçit gjenocidin serb në Kosovë?
Në fakt qëndrimi i Edi Ramës nuk ishte i pafajshëm. Në një farë mënyre me vizitën e saj Vjosa Osmani ia bëri borxh. Ajo nisi një fushatë ndaj qëndrimit të Edi Ramës për të penguar një rezolutë kundër krimeve serbe në Kosovë. Ajo u shpreh hapur kundër aventurës së ndryshimit të kufijve dhe nuk humbi rastin për të theksuar se mini-shengeni është një favor që u bëhet interesave të Serbisë. Sikur këto të mos mjaftonin ajo foli për heqjen e traut të Rrugës së Kombit dhe përmendi demonstratat dhe pakënaqësinë e të rinjve që kanë lidhje me modelet oligarkike të rrënjosura në Shqipëri dhe Kosovë.Andi Bushati: Zjarri që Vjosa Osmani ndezi në Tiranë
Pas gjithë këtyre sulmeve që lidheshin në mënyrë direkte me emrin e Ramës kryeministri vendosi të shkelte protokollin shtetëror dhe as të mos ishte prezent në flalimin e presidentes së Kosovës në Kuvend dhe as mos e priste atë me ceremoni në kryeministri (Ndryshe nga Thaci te cilin e priste tek shkallet e godines foto poshte).
Ndonëse ky është një skandal, dhe ndonëse Rama nuk e humbi rastin për të treguar prirjen autokratike mbi zbatimin e traditës shtetërore, Vjosa Osmani i injoroi këto qëndrime duke theksuar se ajo nuk ka asgjë personale me kryeministrin shqiptar: "Çfarë raporti kam me zotëri Rama në baza personale është tërësisht e pa rëndësishme. Unë këtu nuk jam në cilësinë personale, kam ardhur në cilësi zyrtare, si përfaqësuese e Republikës së Kosovës, si ushtruese e detyrës së presidentit, dhe si kryetare e Kuvendit".
©Lapsi.al 
