Që prej së shtunës Edi Rama lajmëroi se është nisur drejt SHBA në kërkim të vaksinës kundër Covid 19. Prej 3 ditësh nuk ka asnjë lajm nga zyra e shtypit e kryeministrit se kë ka takuar dhe si po i kalon ditët në SHBA kreu i qeverisë.
Lapsi.al ka mësuar se gjatë qëndrimit të tij në New York, Edi Rama është takuar dhe me Alexandros Karloutsos, patriarku i NY, ndihmës i kryepeshkopit Demetris të Amerikës. Ai njihet si ndërlidhës midis Shtëpsisë së Bardhë dhe komunitetit greko- amerikan.
f
Foto është e një dite më parë, pas një dreke që kryeministri dhe kreu i kishës ortodokse te NY kanë patur se bashku.
Nuk dihet ç'motiv ka pasur Rama që në periudhën e pikut të pandemisë të shpenzojë kohë në një takim me Alexandros Karloutsos, që njihet ndër të tjera edhe si këshilltar shpirtëror i fondacionit “Besimi, një dhuratë për Ortodoksinë dhe helenizmin”.
Djali i tij Michalis Karloutsos është jo pak i njohur në komunitetitn greko- amerikan të NY. Ai drejton MAK consulting LLC, firmë këshilluese e specializuar në zhvillimin e biznesit ndërkombëtar, marrëdheniet me publikun dhe çështjet qeveritare. Deri në 2017 ai ka qenë i punësuar në administratën e Trump në funksione të rëndësishme, ndërsa së fundmi ka qenë i angazhuar në fushatën elektorale të presidentit të sapo zgjedhur Biden.
Në internet qarkullojnë shume foto te Karlutzios junior me presidentin e sapozgjedhur që në kohët kur Biden ishte senator i Pensilvanisë.
Që para nisjes se tij në SHBA, qarkulluan zëra se kryeministri do të udhëtonte jo më shumë për vaksinën se sa për të kontraktuar një kompani të re PR për fushatën elektorale. Rendja për të gjetur një kompani të re dhe sa më pranë administratës së sapozgjedhur mund të jetë një pistë që Edi Rama të kapërcente Atlantikun në këtë periudhë, shumë më tepër sesa versioni zyrtar i sigurimit të vaksinës.
©Lapsi.al
