Refuzimi për negociatat/ Vazhdon përplasja SHBA-BE për dështimin e Ramës
Duke postuar artikullin e Lapsi.al, Znj. Kim shkruante sipër tij se ai "e paraqet situatën në mënyrë të gabuar". "Ky artikull e paraqet situaten në një menyrë të gabuar. SHBA dhe BE jane të bashkuara në mbeshtetjen ndaj Shqiprinë drejt BE. Në asnjë moment SHBA nuk ka bërë thirrje për “mbylljen e syve” ndaj mangësive; përkundrazi, ne i kemi theksuar ato dhe kemi ofruar mbështetjen tonë për përparimin. Kjo është arsyeja pse Flamuri i Shteteve të Bashkuara – së bashku me BE – përqendrohet aq shumë në Reformën në Drejtësi, duke përfshirë nevojën që Gjykata Kushtetuese të jetë funksionale deri më 31 dhjetor. Shikoni faktet“.
Me të njëjtën kujdes që znj. Kim e fton Lapsi.al të shohë faktet edhe ne mendojmë se jemi përpjekur të bëjmë pikërisht këtë. Ne kemi vërejtur se zv. sekretari i shtetit Palmer kërkon një datë të hapjes së negociatave me BE, ndërkohë që vendet anëtare duket se kanë votuar të mos ta marrin këtë vendim.
A nuk janë këto qëndrime të ndryshme midis administratës amerikane dhe vendeve anëtare ne BE?
Në qëmtimin e këtyre diferencave mund të shkohet edhe më tej në kohë?
A nuk qenë diametralisht të kundërta qëndrimet që mbajti Komisioneri për zgjerim Varlely dhe ambasada e ShBA këtu në Tiranë, ndaj ndryshimeve të njëanëshme kushtetuese që ndërmori shumica e Edi Ramës për të ndryshuar ligjin themeltar të shtetit në prag të zgjedhjeve?
A nuk u bë dhe më flagrante mbeshtetja ndaj njëres palë, kur përfaqësia amerikane në Tiranë përshëndeti (mesazhi poshte) procedurën e zgjedhjes së anëtarëve të kushtetueses nga kjo mazhorancë, që pastaj u diskreditua nga komisioni i Venecias?
Pra në asnjë çast, askush, nuk ka vënë në dyshim objektivin final, se edhe amerikanët edhe europianët nuk janë kundër një Shqipërie në BE.
Teatri/ A janë të përçarë Europa dhe SHBA për qëndrimet rreth regjimit të Tiranës?
Por, diferenca është se për të arritur të njëjtin qëllim, disa i mbajnë sytë pak më hapur, për të parë faktorët realë që e pengojnë këtë rrugëtim dhe disa të tjerë i kanë disi më të mbyllur.
Ndryshimet kushtetuese/ Yuri Kimit i ka humbur topi
Dhe kjo është një gjë që vërtetohet lehtë, madje që prej kohës kur paraardhësi i znj. Kim pretendonte se Policia e Saimir Tahirit kishte shkruar një histori suksesi në luftën kundër drogës, ndërsa e gjithë Shqipëria qe shndërruar në një plantacion gjigand kanabisi, që nuk mbeti media e madhe botërore pa e vënë re.
Kjo po që qe një paraqitje e situatës në mënyrë të gabuar.
©Lapsi.al 
