Andi Bushati:Kaseta e Ramallanicës që shfaqi armiqtë e drejtësisë ndërkombëtare
Më parë kishte ndodhur edhe një kthesë e fortë. Ish deputeti socialist Dashamir Peza, njëkohësisht dhe miku i Edi Ramës, me të cilin kanë jetuar së bashku për shumë vite, i hodhi poshtë pretendimet e kameramanit kosovar duke thënë se kasetën për të cilën ai fajësonte Bashën ia kishte dorëzuar televizionit BBC. Kaseta e masakrës së Krushës/ Dëshmitari Dash Peza jep një tjetër version nga kameramani Bellanica Por çmontimi i fabrikës së shpifjeve të rilindjes nuk përfundoi këtu. Nëse më parë, ish komandanti i UÇK-së, Latif Gashi (foto djathtas lart), që ishte arrestuar nga ndërkombëtarët për krime lufte, deklaroi se në prangosjen e tij kishte marrë pjesë edhe Lulzim Basha, kjo dëshmi u vu menjëherë në dyshim. Një tjetër gazetar, që nuk e ka fshehur as publikisht miqësinë e tij me Ramën, Baton Haxhiu, deklaroi se Basha nuk ka qenë prezent të arrestimin e Gashit, madje ai tregoi se e dinte se nga shqiptarët aty ka qenë prezente një vajzë me emrin Bora (lexo ketu deklaraten e plote te Haxhiut). Por, bumerangu i fabrikës së gënjeshtrave nuk përfundoi këtu. Këshilltari i liderit të PDK-së, Kadri Veseli, që tani gjendet i burgosur në Hagë, Adri Nurellari deklaroi se kjo fushatë shpifjesh në mes shqiptarëve vetëm dëmtonte çështjen e atyre që po përballen me drejtësinë ndërkombëtare. Kjo deklaratë që denoncon propagandën e Rilindjes si të dëmshme, është e rëndësishme se ajo vjen direkt nga një parti si PDK-ja, mbrojtjen e imazhit të figuarave të së cilës Edi Rama duket sikur e ka marrë përsipër në publik. Sikur të mos mjaftonte qëndrimi i Partisë Demokratike të Kosovës edhe më fort e goditi këtë lloj përdorimi politik, një njeri për të cilin vetëm pak ditë më parë në Open, përballë Agron Gjekmarkajt, Rama tha se nuk ka pasur kurrë probleme. Isa Mustafa, lideri i LDK, tha se akuza dhe ‘konstruktume të pavërteta nuk ndihmojnë pjesëtarët e UÇK-së që tani janë në Hagë”. Ish-kryeministri duke ndërhyrë në mes të sherrnajës që po zhvillohet në Tiranë u shpreh se, Gjykatën Speciale nuk e bëri Lulzim Basha, apo Sali Berisha, por e vendosi Kuvendi i Kosovës. Isa Mustafa kundër fushatës së Rilindjes: “Gënjeshtrat nuk i ndihmojnë ata që janë në Hagë” Pra edhe njerëzit pranë tij, edhe ata që konsiderohen si aleatë apo partnerë politikë, nuk e kanë përtypur dot fushatën e shpifjeve që ka fabrikuar uzina e të pavërtetave të rilindjes për qëllime elektorale. Asaj që pati guximin t'i vërë fytyrën vetëm Taulant Balla edhe njerëzit më pranë Ramës e shndërruan në boomerang. ©Lapsi.al
