Nicki Minaj prej pak kohësh është nënë dhe sigurisht, statusi i ri vjen me ndryshime të reja. Reperja po përpiqet të gjejë një mënyrë për të balancuar kohën mes jetës së re si nënë dhe si artiste, por duket se nuk është aq e thjeshtë sa thuhet.
Nicki tregon se zgjedhja më e shpeshtë që merr nga fansat është punësimi i një dadoje, por dhe ky, s'është vendim që merret thjeshtë. "Të gjithë më thonë se duhet të marrë një dado për bebushin, por është vendim goxha i vështirë." Shqetësimet, dilemat dhe gjithë instiktet e tjera të mëmësisë janë zgjuar dhe probleme të tilla bëhen vetvetiu të pashmangshme edhe për reperen.
