Me rastin e Halloween-it, Gigi Hadid dhe Zayn Malik, ndan foton e parë me të voglën e tyre në rrjete sociale. Ata postuan një imazh, në të cilin këngëtari shfaqej duke mbajtur të voglën në krahë, ndërkohë që të dy e shihnin me sy plot admirim.
Pas kësaj poze, Gigi ka vendosur të tregohet më dorëlëshuar e të publikojë disa momente nga përditshmëria si nënë me vogëlushen e saj. Mbrëmjen e sotme modelja ka ndarë në Instagram një foto duke mbajtur vajzën në krahë, ndërkohë që vetë duket në formën më të mirë të mundshme.
Në muajin shtator, Zayn Malik dha lajmin e ardhjes në jetë të vajzës së tij, përmes një postimi shumë të bukur në Twitter. Ndërkohë çifti nuk e kanë zbuluar ende emrin e vajzës, pavarësisht se fansat e tyre janë përpjekur të mësojnë diçka.
