Ndjekësit e Loredanës pasi u bindën për rikthimin e saj me Mozzik tashmë hedhin dyshime mbi një shtatëzani të këngëtares. Fansat dhe ndjekësit e reperes kanë nisur të dyshojnë se ajo mund të jetë shtatzënë për herë të dytë, për shkak se në fotot e fundit barku duket pak më i fryrë se më parë.
Gjithçka ka nisur nga komenti i një ndjekësi që pyet reperen nëse është shtatzënë dhe kaq ka mjaftuar që të tjerë ta mbështesin e të shprehen se kanë menduar po njësoj. Megjithatë e gjithë kjo është thjesht aludim, sepse deri më tani Loredana nuk ka komentuar fare në lidhje me këto zëra.
Ndërkohë ditët e fundit Loredana ka qenë e pranishme në Kosovë dhe personi i parë që ka takuar ka qenë Mozzik. Ata të dy janë fotografuar bashkë dy herë në Prishtinë, brenda dhe jashtë një hoteli duke biseduar me njëri-tjetrin. Madje në një foto të publikuar nga “N’Zoom”, Mozzik është parë duke veshur në rrugë jelekun e Loredanës. Afrimi mes tyre dhe veshja e rrobave të njëjta ka çuar fansat në përfundimin se ata të dy janë rikthyer sërish bashkë.
