Princ Harry dhe Meghan Markle kanë folur për herë të parë se si e kanë përballuar vëteizolimin gjatë pandemisë.
“Ne jemi ndjerë mirënjohës dhe me fat që kemi mundur të kemi hapësirë ku djali ynë mund të hedhë hapat e tij të parë. Trishtohem kur mendoj se sa njerëz janë grumbulluar me njëri-tjetrin dhe kanë qenë për muaj në atë gjendje duke patur probleme me shëndetin mendor ”. Cifti zbuloi disa nga teknikat që ata kanë përdorur gjatë karantinës për të menaxhuar stresin. Princi Harry tregoi në lidhje me praktikën e meditimit dhe sa i rëndësishëm është për të. “Meditimi është kryesor. Unë kurrë nuk kam menduar se do të jem personi që do ta bëj atë",u shpreh princi.
