Këngëtarja Katy Perry dhe aktori Orlando Bloom janë bërë së fundmi prindër të një vajze, të quajtur Daisy
I ftuar në "The Ellen Show", Orlando tregoi se vajza i ngjan Katy-it dhe nënës së tij."Kur e pashë për herë të parë, mendova që është fiks si unë! Pastaj, fatmirësisht ajo mori nga e ëma sytë bojëqielli që është diçka perfekte dhe gjithashtu ka pak hijen e nënës sime. Pastaj kur e shihja që Katy po ushqente me gji një bebe në versionin tim dhe të nënës sime, thoja me vete kujt do t'i ngjajë ajo më pas?" Aktori zbuloi gjithashtu se në familjen e tyre njihet për aftësinë që ka për ta qetësuar Daisy-in, përmes tingujve që i përdorte edhe në kohën kur Katy ishte shtatzënë.
