Deklaratat e Gabriel Garko në Grande Fratello VIP ishin surprizuese për të gjithë ata që nuk ia kishin idenë se aktori i famshëm, aq i pëlqyer nga gratë dhe vajzat, është gay. Dy javë pasi Garko e pranoi hapur homoseksualitetin e tij, është rrëfyer edhe aktorja Eva Grimaldi, me të cilën ai ka pasur një lidhje për 8 vite. Marrëdhënia e tyre, njësoj si ajo me Adua Del Vesco-n, ka qenë e sajuar, megjithëse mbështetej nga ndjenja të mëdha reciproke. Aktorja e zbuloi këtë gjë në një intervistë për revistën javore “Chi”.
Pas shfaqjes së tij në Grande Fratello, aktori ishte i pranishëm në emisionin Verissimo, ku dha një intervistë shumë të gjatë në të cilën u hap plotësisht, duke zbuluar se kishte pasur marrëdhënie me burrat, në të kaluarën dhe në të tashmen. Në studion e Silvia Toffanin, Garko nuk foli në mënyrë të qartë për një "histori të trilluar" me Grimaldi-n, por versioni i tij ishte në thelb i njëjti: të dy kanë jetuar së bashku për tetë vjet dhe kishin një marrëdhënie intensive, por pa intimitet.
Si Grimaldi, edhe Garko, sot janë haptas homoseksualë. Nëse aktori e pranoi vetëm së fundmi, Eva e ka bërë që në vitin 2017. Ajo foli për këtë në çështje në Isola dei Famosi, duke zyrtarizuar historinë e dashurisë me Imma Battaglia-n që nisi nga viti 2010. Aktorja dhe aktivistja janë martuar më 19 maj 2019. Në të kaluarën, Eva ka qenë gjithashtu e martuar me sipërmarrësin Fabrizio Ambroso.
Ndërsa Garko pranoi në Verissimo marrëdhënien me Gabriele Rossi-n, tani e mbaruar, si dhe një lidhje të gjatë me një burrë të quajtur Riccardo.
Përveç historisë me Garko-n, në intervistë Grimaldi zbuloi episode të pakëndshme nga e kaluara e saj. Në veçanti, foli për një periudhë të errët me miqësi të këqija dhe përdorim droge:
"Gjithmonë kam dashur të bëhem aktore dhe kam bërë gjithçka që ëndrra ime të bëhet realitet. Fillova të shkoj në rrugë të këqija në Romë dhe merrja amfetaminë për të qëndruar e dobët, nuk haja dhe praktikisht nuk flija më”.
