Këngëtarja Mariah Carey ka folur rreth marrëdhënies së saj me ish të fejuarin miliarder, James Packer.
Gjatë një interviste për “The Guardian” Mariau zbuloi përse kjo marrëdhënie nuk ishte e përfshirë në librin e saj të kujtimeve. “Nëse do të ishte një marrëdhënie e rëndësishme, është në libër. Nëse jo, nuk ka ndodhur”, është shprehur këngëtarja.“Ne nuk kishim marrëdhënie fizike, për të qenë e sinqertë me ju”, pranoi Carey.Ajo nisi një lidhje me miliarderin në 2015-tën dhe u fejua me të 9 muaj më vonë. Por vetëm 9 muaj pas vendosjes së unazës, ata u ndanë. Ndërkohë që Carey nuk ka preferuar të flasë, James ka treguar se marrëdhënia me këngëtaren ka qenë shumë toksike dhe prandaj i dhanë fund.
