Ish-këshilltari i Sigurisë Kombëtare, John Bolton pasi publikoi librin me sekretet e presidentit Tump, është sulmuar nga ky i fundit.
Deri 1 vit më parë Bolton ishte këshilltar sigurie në Shtëpinë e Bardhë, por Trump thotë se ishte shumë budalla, dhe po ta kishtë dëgjuar, sot bota do ishte në Luftën e 5-të Botërore.
‘’Unë do ta them këtë, John Bolton ishte një person shumë budalla. Nëse do të dëgjoja John Bolton, do të ishim në Luftën e 5 Botërore tani’’- tha Trump.
Po ashtu Presidenti amerikan që në nëntor garon për një mandat të dytë, thekson se libri i Bolton ishte shumë i paligjshëm, me informacione konfidenciale dhe të klasifikuara.
“Ajo që ai bëri unë mendoja se ishte shumë e paligjshme, dua të them se libri i tij është i mbushur me informacione konfidenciale dhe të klasifikuara.”- shtoi Presidenti.
