Vënia e Bashkisë së Tiranës në dispozicion të fushatës së Partisë Socialiste për 25 Prillin do të ishte një devijim institucional aspak për t’u lavdëruar, tipik për tranzicionin shqiptar, por sërish nuk do të habiste askënd, pasi përdorimi i administratës nga forca politike në pushtet, ndodh këtu e 30 vjet.
Por pavarësisht traditës negative të abuzimit, fenomeni mbetet i dënueshëm dhe nuk pranohet kurrë hapur.
Ndaj, ka habitur një lajm që u servir vetë në media nga zyra e Bashkisë së Tiranës, ku renditen 20 emra drejtorësh që ikin e vijnë nga institucionet e pushtetit lokal, sepse do të angazhoheshin në fushatë. Më herët, lëvizje të tilla janë kaluar në heshtje nga Bashkia e Tiranës, që njihet për kontrollin në imtësi të informacionit, që rrjedh në media.
Zyra e shtypit e Bashkisë, jo vetëm e shpërndau lajmin, por edhe e specifikoi se lëvizjet në këto 16 institucione bëhen për shkak të angazhimit të këtyre drejtorëve në fushatën elektorale. Pra Veliaj, pranon se ka sakrifikuar resurset dhe stafin e Bashkisë së Tiranës, për të cilën ka një angazhim para qytetarëve dhe këtë e ka bërë për hir të interesave të Partisë Socialiste dhe detyrave që i ngarkon Edi Rama.
Mesazhi nuk është një rastësi, e për më tepër, nuk është një gafë e Veliajt.
I pashqetësuar për efektin negativ që krijon tek qytetarët e Tiranës braktisja e detyrës nga drejtorët e bashkisë,, Erion Veliaj tenton ta përçojë mesazhin në veshët e një njeriu më të rëndësishëm për të, se sa të gjithë qytetarët e Tiranës, dhe ky është Edi Rama.
Nga lëvizja në 16 drejtori, duket sikur Veliaj nuk po kursen asgjë për arritjen e mandatit të tretë të PS, dhe se ai vetë është pa asnjë diskutim, i angazhuar 100% në fushatën e PS-së.
Fakti që Erion Veliaj po angazhohet në fushatë me të gjitha kapacitetet është një fabul që nuk duhet të çalojë në asnjë element të saj.
Edi Rama i ka besuar Veliajt zonën më të madhe elektorale në vend. Ndërkohë po shtohen zërat që e projektojnë kryebashkiakun si pasardhës në Partinë Socialiste dhe ideja mund të jetë e bukur, por e rrezikshme për Veliajn.
Pikërisht për këtë ai nuk ndalet së dhëni garanci për bindjen absolute ndaj shefit herë duke e mbuluar me laved, herë duke iu shfaqur mirënjohës, herë i përulur, e madje edhe servil, me synimin e vetëm për të mos e ngacmuar asnjë grimë, qoftë edhe rastësisht paranojën e shefit.
Sepse paranoja e Ramës mund të ngjallë dyshimet, se duke synuar ta përshpejtojë procesin e ardhjes në krye të PS, për Veliajn është më mirë të mos angazhohet me të gjitha resurset në fushatën e 25 Prillit.
Por a po ndodh vërtet kështu? Kjo mbetet për t’u parë, por në realitet, nuk ka asgjë të jashtëzakonshme në levizjet e Bashkisë, që u reklamuan me bujë sot në media.
Nga lëvizjet, bie në sy largimi nga Bashkia i dhëndërit të Fatmir Xhafajt, Dition Baboçit, një emër që prej vitesh ka qenë pranë Veliaj duke drejtuar një institucion të rëndësishëm, siç ishte Drejtoria e Urbanistikës apo lëvizje të drejtorëve të tjerë, siç është lëvizja e Rigels Ballës, dhëndërit të pronarit të Focus Group Irfan Hysenbelliut apo lëvizja e Redi Mollës, që nga Drejtor i Ujësjellësit është katapultuar në shportën e bollshme të projektit të rindërtimit të Tiranës.
Emërimet dhe shkarkimet nuk kanë asgjë të jashtëzakonshme në vetvete dhe mund të shërbejnë më shumë për menaxhimin më të lehtë të punëve të Bashkisë nga Veliaj, sesa të jenë një vlerë e shtuar në fushatën e Partisë Socialiste të Tiranës.
Pikërisht për këtë, shpërndarja me bujë e lajmit se drejtorët e Bashkisë tani na shkuakan atje ku ka më shumë nevojë partia, duket më shumë një përpjekje për t’i hedhur hi syve, se sa një angazhim real për fushatën e partisë.
[caption id="attachment_547132" align="alignnone" width="2048"]
PREZANTOHET PARKU OLIMPIK - Kryeministri Edi Rama dhe Kandidati i PS per Bashkine e Tiranes, Erion Veliaj, gjate prezantimit te projektit per ndertimin e Parkut Olimpik dhe Kopshtit Zoologjik./r/n/r/nPRESENTATION OF OLIMPYC PARK - Prime Minister Edi Rama and Candidate of Socialist Party for the mayor of Tirana Erion Veliaj, during presentation of the project for the construction of Olympic Park and Zoo.[/caption]
Lista e drejtorëve të ri të Bashkisë së Tiranës
Redi Molla – Drejtor i Përgjithshëm i UKT – në vend të tij Elton Kacidhja
Elton Kacidhja – Drejtor i Përgjithshëm i Rrugëve dhe Ndriçimit Publik – në vend të tij Erindi Bejko
Erindi Bejko – Drejtor i Përgjithshëm i Bashkëpronësisë – në vend të tij Aurel Çuko
Ditjon Baboçi – Drejtor i Përgjithshëm i Urbanistikës – Në vend të tij Frida Pashako
Rigels Balla – Drejtor i Drejtorisë së Investimeve Publike – Në vend të tij Ilda Qazimllari
Adi Boletini – Drejtor i Shërbimeve Funerale në Tufinë – Në vend të tij Arjan Manahasa
Besim Petrela – Drejtor i Kulturës dhe Trashëgimisë Kulturore – Në vend të tij, Dhimitraq Furrxhi
Drejtor i Qendrës TEN – Emërohet Vitmar Basha
Studio Kadare – Emërohet Brisi Trajko
Spiro Koleka – Drejtor i Klubit Sportiv Tirana – ne vend te tij vjen Debora Keçi.
Valter Gjoni – Drejtor i Protokollit dhe Ceremonialit Zyrtar – ne vend te tij Fiona Hasani
Esmeralda Byberi – emerohet ne Drejtorine e Zones se Lire Ekonomike, Investimeve te Huaja dhe Diaspores
Rezart Cenaj – Drejtor i Qendres Sociale Multidisiplinare, ne vend te tij eshte emeruar Marilda Zizolli
Epidamn Zeqo – Drejtor i Planifikimit Strategjik dhe Jetesimit te Prioriteteve, ne vend te tij Emilda Prifti
Klodiana Bici – emerohet ne drejtorine e Objekteve ne Bashkepronesi
Faola Hodaj – emerohet ne drejtorinë e Inovacionit
