Ministria e Jashtme e Bjellorusisë tha të shtunën se e shikon takimin e mundshëm të opozitares Sviatlana Tsikhanouskaya me përfaqësues të BE-së si “ndërhyrje në punët e brendshme të shtetit të Bjellorusisë”.
Tsikhanouskaya ka udhëhequr fushatën kundër sundimit 26-vjeçar të Presidentit Alexander Lukashenko në Bjellorusi.
Ministria e jashtme tha se kishte informuar diplomatët evropianë për pikëpamjen e saj.
Agjencitë shtetërore ruse të lajmeve raportuan më herët se Tsikhanouskaya pritet të marrë pjesë në një takim të ministrave të jashtëm evropianë javën e ardhshme.
