Momente tmerri kanë përjetuar banorët e Ankonës, mbrëmjen e djeshme, kur një shpërthim i ndjekur më pas nga një zjarr i përmasave të mëdha përfshiu portin e qytetit. Zjarri i filluar në një kapanon rreth mesnatës, për shkaqe ende të panjohura u përhap më pas në një sipërfaqe shumë më të gjerë.
Fatmirësisht nuk pati të lënduar, por banorët afër zonës janë alarmuar shumë, duke e lidhur ndodhinë me pamjet tmerruese të shpërthimit në portin e Bejrutit. Autoritetet italiane kanë vendosur mbylljen e shkollave, universiteteve si dhe të parqeve, për shkak të tymit që me orë të tëra ka mbuluar qiellin sipër qytetit bregdetar.
