Tre persona janë plagosur në Fushë Bulqizë, pasditen e kësaj të hëne, në një aksident automobilistik. Aksidenti ka përfshirë një mjet tip “Benz” dhe një furgon. Shoferja 27 vjeçare e cila drejtonte mjetin tip 'Benz' ndodhet në gjendje të rëndë shëndetësore dhe është nisur me helikopter drejt Tiranës. Sipas informacioneve, i plagosuri tjetër ndodhet në spitalin e Bulqizës.
Akoma nuk dihet se cilat janë shkaqet e këtij aksidenti. Policia ka mbërritur në vendngjarje dhe po heton për zbardhjen e ngjarjes.
