Ish-kryeministri italian, Silvio Berlusconi, ndodhet aktualisht në spitalin San Raffaele në Milano ku po merr kujdes shëndetësor pas infektimit me COVID-19. Sipas Corriere.it Berlusconi e kishte përshkruar virusin si një ferr të vërtetë gjatë bisedës me senatorët e partisë së tij.
“Unë po luftoj për ta kaluar këtë sëmundje, e cila është një ferr i vërtetë, është tmerrësisht e shëmtuar. Nga mijëra pacientë të ekzaminuar në San Raffaele, unë jam i pesti për nga ngarkesa virale. Bëra më të mirën time dhe shpresoj shumë që të mund të shërohem”, tha ai.
