Sipas dokumenteve, të cilat janë siguruar nga E! News, Kim ka regjistruar emrin e markës më të re, që quhet KKW Home. Dhe megjithëse ylli 39-vjeçar ende nuk ka treguar detajet për këtë risi, duket se ajo do të zhysë këmbët në industrinë e produkteve shtëpiake. Sipas dokumenteve, fansat mund të blejnë peshqirë, perde, tekstile për orendi shtëpie, qirinj aromatikë, produkte banje, sfungjerë trupi, dhe shumë më tepër artikuj të nevojshëm shtëpie, që mbajnë emrin e Kim. Nga pamja e asaj që përfshin KKW Home, është e lehtë të kuptohet pse Kim ka vendosur të hyjë në këtë biznes. Disa prej artikujve shtëpiakë do të plotësonin në mënyrë të përsosur ndërmarrjet e tjera të biznesit, si KKW Beauty dhe SKIMS. Ndaj ky duket si një hap i ardhshëm i natyrshëm. Kim kohët e fundit festoi njëvjetorin e linjës së saj të të brendshmeve. Ajo shkruante pak ditë më parë në Instagram: “Faleminderit të gjithëve që kanë bërë të mundur SKIMS. Ka qenë një vit i jashtëzakonshëm dhe unë jam shumë mirënjohëse për mbështetjen tuaj. Shkoni te story-t e mia në Instagram për të parë të gjitha fotot !!!”
Përpos SKIMS, Kim kohët e fundit lancoi një bashkëpunim të ri për markën e saj KKW Beauty. Ylli I reality show-t bashkoi forcat me shoqen e saj Allison Statter për të krijuar një koleksion të “gjërave të domosdoshme për gruan që është ‘very busy'”.
