Muajt e fundit një nga ngjarjet që është lakuar shumë në mediat ndërkombëtare është skandali mediatik i programit të famshëm 'Ellen DeGeners Show'. Punonjës aktual, por dhe ish-punonjës kanë deklaruar në mënyrë publike dhe anonime mbi 'ambjentin toksik të punës' në program. Së fundmi ka thyer heshtjen dhe një nga figurat publike që punon krah Ellen, Andy Lassner. 53-vjeçari u kthye në Instagram për herë të parë në më shumë se një muaj të dielën, më 30 gusht dhe postoi një video në të cilën ai u drejtohej ndjekësve të tij. Duke iu referuar punës së tij krah Ellen, ai pranoi se "kanë kaluar disa muaj të ashpër".
"Kur i kalojmë këto gjëra, unë mendoj se ne mësojmë më shumë për veten tonë dhe ndoshta edhe rritemi. Por të them se nuk ka qenë e ashpër, do të ishte gënjeshtër dhe unë gjithmonë kam qenë i sinqertë me ju. Pra, eksperienca ka qenë e ashpër", -ka rrëfyer Lassner.
Pranë fundit të videos, ai përsëriti se ishte vetvetja dhe se do të kthehej në program.Postimi erdhi më pak se dy javë pasi një zëdhënës i Warner Bros tha për 'E! News' se prodhuesit ekzekutivë të lajmeve Ed Glavin dhe Kevin Leman, si dhe producenti bashkë-ekzekutiv Jonathan Norman ishin larguar nga spektakli rreth një muaj pasi filloi një hetim i brendshëm .Hetimi pasoi me një raport të mesit të korrikut nga 'BuzzFeed News' në të cilin një punonjës aktual dhe 10 ish-punonjës të 'Ellen DeGeneres Show' në mënyrë anonime pretendonin se spektakli kishte një mjedis pune "toksik", ndërsa ish-punonjës akuzuan prodhuesit ekzekutivë për sjellje të keqe ose ngacmim seksual.
'Variety', duke cituar një burim të njohur me programin, raportoi se 'Ellen DeGeneres Show' së fundmi ka zbatuar disa politika të reja për punonjësit, duke përfshirë dhe pagesën për orët ekstra. DeGeneres, e cila nuk kishte pretendime të bëra kundër saj, gjithashtu i kërkoi falje stafit të saj.
