Brad Pitt është fotografuar teksa mbërriti në Francë me një avion privat me modelen 27-vjeçare Nicole Poturalski.Aktori 56-vjeçar, fitues i çmimit Oscar, i cili u nda nga gruaja e tij Angelina Jolie në vitin 2016, ka nisur tashmë një romancë të re me modelen gjermane.Burimet për “The Sun” thanë se ata dukeshin si “adoleshentë të dashuruar” pasi u fotografuan së bashku për herë të parë në një aeroport në jug të Francës.
Dyshja u pa duke dalë nga një avion privat në Aeroportin Le Castellet, pasi Pitt raportohej se kishte fluturuar nga Los Angeles për në Paris për t’u takuar me Poturalski-n.
“Ata po putheshin dhe Brad ishte jashtëzakonisht i vëmendshëm ndaj saj”, tha një burim për revistën OK!.
“Ai ishte në një vend gjysmë publik, por nuk dukej se i interesonte shumë që po e shihnin. Ajo është një bukuri e vërtetë dhe padyshim shumë më e re se ai”.
Poturalski ka gjithashtu një ngjashmëri të madhe me Jolie, sot 45 vjeç, por sigurisht kur ishte më e re.
