Aktorja turke, Hande Erçel i dha fund lidhjes së saj disa vjecare me këngëtarin Murat Dalkiliç.
Rreth tre muaj më parë u raportua se Hande dhe Murat kishin vendosur të martoheshin dhe mediat turke zbuluan edhe datën e celebrimit. Sipas tyre Hande dhe Murat do të martoheshin në javën e dytë të korrikut. Mediat shkruanin se çifti mezi po pret të kurorëzohet dhe se dasma do të mbahet në Stamboll. Gjithashtu Hande kishte kkërkuar që ceremonia të jetë sa më e thjeshtë.Mirëpo, gjërat nuk shkuan si duhet dhe ata u ndanë. Ka qenë aktorja që konfirmoi zërat me anë të një Instastory disa javë më parë, ku shkruante se ndarja ka qenë në mënyrë miqësore dhe u kërkonte ndjekësëve të respektonin privatësinë e të dyve. Hande nuk ka treguar arsyen e ndarjes por është shprehur se Murati është një njeri i çmuar e i dashur për të.
