Por, sikur të mos mjaftonte "mis en scene" me dhurata, Rama e ka shfrytëzuar këtë ngjarje edhe për të shigjetuar kritikët e tij. “Kjo është ajo shtëpia që kur vumë tullën e parë disa “inxhinierë” fejsbuku këtu, komentuan skeletin e saponisur prej hekuri të kolonave, duke vënë alarmin se ishte me “katër tela”! Ngutja e disave për të nxjerrë fjalën e keqe apo për të bërë “kompetentin” pa diplomën përkatëse, për çdo punë që komentojnë nga kafeneja, plazhi apo krevati ku luajnë me ajfonin e tyre, është bërë si puna e atij vargut me hudhra, që vihet në hyrje të shtëpisë për të mos marrë m’sysh”, shkruajti Rama.
Edhe këtu përdorimi është flagrant, sepse si në çdo rast sa herë që reklamohet duke bërë punën për të cilën paguhet, kryeministri shfrytëzon rastin për të denigruar kritikët e tij. Një kërkim i shpejtë që lapsi.al bëri në Google nuk tregonte se ka pasur ndonjë debat kombëtar lidhur me rindërtimin e kësaj shtëpie, në mënyrë që kryeministri ti kundërpërgjigjej. Madje ekzistenca e 'inxhinjerëve të fejsbukut" as nuk dilte në motorët e kërkimit. Pra kryeministri shpik një përplasje të kotë për të shfaqur para kameramanëve që paguan vetë si fitimtari i një beteje që nuk ka ekzistuar.
Ekskluzive/ Rama do braktisë Vlorën, zgjedhjet e ardhshme kandidon në Durrës
E gjitha kjo me sa duket po bëhet me qëllime propagandistike, pasi rindërtimi i banesave që u prekën nga pasojat e tërmetit, besohet se do të jetë sipas burimeve të Lapsi.al, një nga temat kryesore të fushatës së ardhshme elektorale (linku lart). ©Lapsi.al
