Jo sepse nuk është i zakonshëm një mesazh i blogeres së famshme në gjuhën shqipe, por më shumë sepse Chiara Ferragni e vlerëson miqësinë me këngëtaren e njohur me origjinë shqiptare, Dua Lipa. Kjo është një ndër arsyet që sot, në 25-vjetorin e lindjes së saj, një nga mikeshat më të mira zgjodhi që t’ia dërgojë urimin edhe në gjuhën shqipe.
Me një foto të ëmbël, në një nga takimet e zakonshme të dy bukurosheve, Chiara Ferragni ka shkruar urimin e ditëlindjes, krahas gjuhës angleze, edhe në gjuhën shqipe: “U bëfsh 100 vjeçe zemër” – shkruhet pas fotos dhe të gjithë ndjekësit shqiptarë të blogeres janë bërë me krahë: “Sa bukur është të të shohësh të shkruash në gjuhën shqipe”, – shkruajnë disa prej ndjekësve të influencueses më të pëlqyer të rrjetit.
Miqësia e Chiara Ferragni-t dhe Dua Lipas daton shumë vite më parë. Dy mikeshat, madje, kanë ndarë shpeshherë me fansat edhe takimet me familjet e tyre. Si në këto foto…
