Aktori George Clooney dhe bashkëshortja e tij Amal dhuruan 100 mijë dollarë për organizatat bamirëse me bazë në Liban, pas shpërthimit vdekjeprurës që vrau të paktën 135 njerëz dhe la 5,000 të lënduar në Bejrut, vendin ku lindi Amal.
“Ne jemi të shqetësuar thellësisht për njerëzit e Bejrutit dhe shkatërrimin me të cilin janë përballur ditët e fundit”, tha çifti në një deklaratë. “Tri organizata bamirësie që kemi gjetur janë duke siguruar lehtësim. Kryqi i Kuq i Libanit, Impact Liban dhe Baytna Baytak”. Fituesi i Çmimit “Oscar”dhe avokatja e të drejtave të njeriut, shtuan se ata ‘do të dhurojnë 100,000 dollarë për këto organizata bamirëse dhe shpresojnë se të tjerët do të ndihmojnë në çfarëdo mënyre që munden’, shkruan DailyMail.
