Gent Fatali është një ndër artistët më të talentuar që brenda pak kohësh arriti të bëhej pjesë e tregut muzikor shqiptar. Megjithatë, kohët e fundit është vënë re një mungesë nga ana e tij në muzikë.
Disa javë më parë reperi tregoi në një intervistë se po merret me biznes dhe kohën më të madhe e shpenzon atje, andaj është tërhequr nga muzika.
Megjithatë, pritjes i ka ardhur fundit dhe tashmë ai ka gati një projekt të ri muzikor, që pritet të lançohet së shpejti.
Më herët Genti pati lajmëruar se artisti me të cilin do bashkëpunojë i fillon emri me S, pa dhënë shumë detaje, teksa së fundmi ka shpërndarë një video në Instagram, ku shfaqet me të dashurën e tij, Rozafën.
Ndër të tjera, mes rreshtave të këngës thuhet: “Du me ta shti unazën n’gisht e me t’qu te shpija”.
Videoja është e shoqëruar me një emoji në formë unaze dhe një çifti të dashuruar dhe disa pikëpyetje, duke na vendosur kështu në mëdyshje.
Si duket çifti paska ndërmend ta zyrtarizojë lidhjen, por nuk përjashtohet mundësia edhe që të jenë fejuar. Sakaq, ekziston edhe një opsion tjetër, sipas së cilit Rozafa të jetë pjesë e videoklipit të ri.
Momentalisht, nuk mund të themi asgjë me siguri, por na mbetet të presim të reja nga çifti.
