Bella Hadid dhe The Weeknd rindezën shpresat për ribashkim kur burime pranë tyre konfirmuan se pas kohës së karantinës ata kishin komunikuar me njëri-tjetrin. Por ndërkohë që njerëzit prisnin një rikthim të çiftit dhe një foto që ta vërtetonte këtë, gjërat morën rrjedhë tjetër.
Fansat e Selena Gomez mendojnë se ish i dashuri i saj The Weeknd mund t’i ketë bërë asaj një dhuratë të veçantë publike për ditëlindje. The Weeknd publikoi videon muzikore të këngës "Snowchild" dje, pikërisht në ditëlindjen e Gomez. Dhe fansat vunë menjëherë në dukje që Selena e kishte quajtur "Snowchild" dy herë publikisht si një nga këngët e saj të preferuara.
Në mars, këngëtarja përfshiu "Snowchild" në listën e saj muzikore të karantinës. Ndërsa në prill, kënga shfaqet edhe në listën këngëve të “Cooking Together” të Gomez në Spotify.
Për më tepër, në fillim të videoklipit shfaqen disa tullumbace - një tjetër detaj që i bëri ndjekësit të dyshojnë se kjo ishte dhurata e ditëlindjes për Selena-n nga The Weeknd. Fansat ishin të emocionuar për faktin se mund të bëhet fjalë për një ribashkim mes çiftit të famshëm.
Lidhja e Selena Gomez dhe The Weeknd zgjati nga janari i 2017-ës deri në tetor të po këtij viti. Ata i dhanë fund marrëdhënies së tyre, por ruajtën një marrëdhënie të mirë së bashku. Që nga ajo kohë, të dy janë treguar diskretë për jetën private.
