Pasi motra e saj zbuloi pa dashur gjininë e fëmijës në një intervistë për “Rudina”, aktorja Olta Gixhari vendosi t’i konfirmojë vetë zërat.
Nëpërmjet një fotoje të publikuar në llogarinë e saj në Instagram, Olta zbuloi se do të bëhet nënë e një djali.
Ajo dhe partneri kishin kapur duart me njëri-tjetrin dhe së bashku mbanin një palë këpucë ngjyrë blu, duke zbuluar kështu edhe gjininë.
“Shiko kush po vjen! Djali ynë!”- shkruante aktorja krahas fotos së ëmbël.
Olta është në prag të muajit të nëntë dhe deri tani arriti ta fshihte mjaft mirë gjininë e fëmijës.
Në rrjete sociale, aktorja ka treguar vazhdimisht se po e shijon në maksimum shtatzëninë teksa është shpërngulur tek partneri i saj në Spanjë.
