Tryeza e këshillit politik është shenjuar sot nga prezenca e kryeministrit Rama që ka mbërritur në Pallatin e Kongreseve i maskuar dhe nga mungesa e liderit të opozitës Lulzim Basha që ka filluar këtë të hënë një vizitë në Prishtinë. Tryeza u mblodh për të diskutuar paketën e ndryshimeve e propozuar nga opozita parlamentare dhe e mbështetur nga Partia Socialiste për hapjen e listave, ndryshimin e koalicioneve dhe pragun elektoral. Megjithëse Rama pranoi të shkojë personalisht në tryezë ai e ka bërë të qartë se PS nuk tërhiqet nga ndryshimet që tashmë ka votuar në Komisionin e Ligjeve. "Hapja e listave për ne nuk është më variant, por angazhim. Ne si partia më e madhe duam ti përfshijmë qytetarët në përzgjedhje. Ne na takon të mbrojmë atë që është një arritje e madhe, por që unë e quaj si arritje të madhe të PS të rritjes së përfaqësimit të grave në Parlament”, tha Rama pas takimit qe u mbyll pa rrezultat konkret.
Lexo me tej:
Pikat kyçe/ Ku bllofon Rama me prishjen e marrëveshjes
Po ashtu edhe opozita ka deklaruar se qëndrimi i saj nuk ka ndryshuar. Ai është kalimi i marrëveshjes së pesë qershorit pa ndryshime ashtu siç është miratuar.
“Sot na u konfirmua që ne do të duhet të rihapim edhe një herë çështje që ne kemi rënë dakord. Apeli jonë ishte që ne nuk mund të hedhim në kosh një punë 6 mujore të Këshillit Politik. Ne nuk mundemi që pas 6 muajsh të themi që kemi ndryshuar mendje.
Përfaqësuesit e opozitës janë të mendimit se tashmë nuk ka kohë për ndryshime në Kushtetutë, pasi nga zgjedhjet parlamentare ka mbetur më pak se një vit. Por dhe në rast se ndodh hapja e listave, kjo s’ka pse ndalon formimin e koalicioneve.
Gjithcka nisi të premten paradite kur me një reagim në Facebook, Ilir Meta propozoi rimbledhjen e Tryezës së Këshillit Politik duke përdorur si justifikim se këtë sugjerim e kishte marrë nga eksperti Kristaq Kume. Presidenti i bëri ftesë Ramës për t’u ulur në tryezën e Këshillit Politik, pasi shefi i opozitës pati dhënë viston për këtë nismë. E menjëhershmne ishte përgjigjja nga Kryeministri, i cili u shpreh i gatshëm të ulet e të bisedojë me të gjithë. Ai propozoi të hënën si ditë takimi duke theksuar se në tryezë pret Bashën dhe Metën, pasi si përfaqësues i maxhorancës do të shkojë vetë.
PS voton prishjen e marrëveshjes. Ndryshohen dy nene kushtetuese
Basha ndonëse e pranoi rikthimin në tryezë e injoroi atë duke mos qenë prezent vetë.
Megjithëatë ky rikthim i opozitës, ka ngritur pikpyetje për qëllimin e saj. Nga njëra anë opozita duket sikur kundërshton vetveten duke u ulur në tryezë pas ka mbajtur qëndrimet “parimore” se kushtetuta nuk mund të ndryshohet me shpejttësi dhe se rregullat e lojës nuk mund të rishkruhen në më pak sesa një vit para zgjedhjeve. Nga ky këndvështrim PD dhe LSI nuk do duhej të pranonin fare diskutimin për hapjen e listave dhe heqjen e koalicioneve që kanë si mbështetës deputetët aspak seriozë të opozitës parlamentare.
Pra ama nga ana tjetër, kjo mund të jetë një përpjekje e Metës dhe e Bashës për ta rikthyer këtë çështje që Rama po e vendoste në mënyrë unilaterale, në tryezën e vetme ku PD dhe LSI kanë në dorë veton. Kështu kjo do ta diskreditonte edhe më keq kryeministrin nëse ai vazhdonte të bënte në kokë të vet kundër rekomandimeve që i kanë dhënë edhe aleatët europianë.
©lapsi.al
