Këngëtarja ka sjell një tjetër këngë me Azetin, që titullohet “Fajet” dhe sapo është publikuar.
Klipi është xhiruar në Spanjë, ku dyshja u pa më herët duke ngritur shumë aludime dhe është një këngë tipike verore, teksa të dy artistët duken në super formë. Në fillim të këtij viti, dyshja publikoi bashkëpunimin e parë të titulluar “Lass loss”, që ka arritur 17 milionë klikime në Youtube deri tani. Dhurata gjithashtu do të sjellë një këngë të re me Sabri Fejzullahun, ndërsa ai zbuloi se kënga që do të realizojnë, “Merrma shiun e Prishtinës”, një nga këngët më të famshme të Sabriut, që si duket do vijë në një version “Remake”. Ndërkohë, ky është projekti i dytë i Azet pas rikthimit, teksa javën që lamë pas publikoi “InshAllah” , pjesë e albumit “Fast Life 2” që publikohet së shpejti.
