Po në fakt këtë herë –po ti besojmë Imam Aliut- është Rama ai që po ia pakson shanset e suksesit vetes, sepse ai po vihet në rolin e kundërshtuesit të një pakti që e pranoi vetë, e mëshkroi në tryezën e Këshillit Politik dhe rakordoi me të gjithë faktorët ndërkombëtarë.
Pasi u ndërgjegjësua se e humbi kontrollin e Komisioneve zgjedhore dhe pranoi një sërë masash që rrisin kontrollin mbi manipulimin e votës, kryeministri do të fitojë me cdo kusht dicka në tavolinë. Prandaj ai po përdor kauzën e listave të hapura “të mbrojtur” nga 28 deputet sharlatanë të opozitës ë re, për të hequr mundësinë e organizimit në koalicione zgjedhore nga kundërshtarët e tij (lexo shkrimin poshte sa humbte PS me ligjin aktual ne perballjen me nje koalicion opozitar).
Loja me koalicionet/ Qarqet që humbet PS nëse opozita del e bashkuar
Dhe për të arritur këtë ai po ndryshon rregullat e lojës në një mënyrë radikale, pa pjesmarrësit në garën e ardhshme. Së pari, Ramës i duhet të ndryshojë kushtetutën. Neni 68 i Kushtetutës përcakton ndër të tjera se “renditja e kandidatëve për deputetë në listat shumëmërore nuk mund të ndryshohet pas paraqitjes së listës në komisionin zgjedhor përkatës. E pra ku nen duhet ndryshuar. Por ndryshime radikale duhen bërë edhe në kodin zgjedhor. Sipas një hulumtimi që ka bërë gazeta Mapo, pa konsensus mes palëve pjesmarrëse në garë, rilindjes do i duhet të ndryshojë 12 nene të kodit zgjedhor dhe të rishkruajë nga e para ato nene që flasin për përllogaritje mandatesh në bazë të sistemit proporcional rajonal me lista të mbyllura (162/163). Tashmë socialistët i kanë hyrë kësaj ndërmarrje të vendosjes së njëanëshme të rregullave. Pas miratimit thuajse me unanimitet të plotë ditën e premte në Këshillin e Legjislacionit dhe në Komisionin e Ligjeve, nisma e 28 deputetëve të opozitës parlamentare diskutohet këtë fillim jave, nen për nen dhe pritet të miratohet nga parlamentit më 30 korrik.Prishja e marëveshjes/ A ka nisur thyerja e Ramës me ndërkombëtarët (deklaratat)
Pra, Rama do ti shkojë deri në fund nismës për të vjedhur patjetër dicka para fillimit të garës. Ai synon futjen e grindjes mes partive opozitare dhe pret të përfitojë nga sherri që ato mund të kenë nga hartimi i një liste të përbashkët. Por sipas shprehjes që perifrazon vetë, asaj të Imam Aliut, këtë herë është ai që po sillet si humbës, sepse këtë herë qe ai që e kundërshtoi marrëveshjen e 5 qershorit që fillimish e pranoi i detyruar vetë. ©Lapsi.al
