Johnny Depp ka deklaruar se ai vendosi të ndahej nga Amber Heard pasi gjeti jashtëqitje në shtratin e tyre martesor. Aktori i "Piratët e Karaibeve", tregoi se ky incident ka ndodhur në vitin 2016 dhe sipas tij Heard e cilësoi si "një shaka të padëmshme". Në atë moment, Depp pretendon se ai vendosi t'i jepte fund martesës së tyre dy vjeçare. Të martën, aktori i Hollivudit doli para gjykatës ku tregoi se si filloi të merrte drogë në një moshë shumë të re, kur nuk kishte një jetë të qëndrueshme. Në një deklaratë tjetër Depp pretendoi se Amber Heard e goditi dhe i preu gishtin. Depp tregoi se ata ishin në një fluturim kur Heard u bë agresive dhe e qëlloi disa herë.
