Instagram, jo më i Kylie Jenner. Dëayne Johnson zbret nga froni Kylie Jenner si më e paguara në këtë rjet social. The Rock ka më shumë ndjekës se Kylie, saktësisht 188 milion dhe fitimet e tij janë rritur me 15% që prej vitit të kaluar. Sipas listës së “Hopper HQ” për personat më të paguar në Instagram, “The Rock” paguhet më shumë se 1 milion dollarë për një postim të sponsorizuar. Përsa i përket Kylie-t, ajo tashmë merr 980 mijë dollarë për një postim, ndërsa fitimet e saj kanë rënë këtë vit. Disa javë më parë, “Forbes” tregoi se Kylie e kishte falsifikuar statusin e miliarderes dhe u hoq nga lista e tyre. Madje, ajo rrezikoi edhe burgun për shkak të falsifikimit të statusit.
“U zgjova dhe ç’të shikoja! Gjithçka që shoh janë një numër deklaratash të pasakta dhe supozimesh të pavërtetuara. Unë kurrë nuk kam kërkuar ndonjë titull ose të jem përpjekur të gënjej për ta arritur, pikë”,- reagoi më herët 22-vjeçarja.
